लाडकी बहीण ई-केवायसी लिंक — खरी लिंक एकच आहे

खरी लिंक — फक्त ही एकच

मुख्यमंत्री माझी लाडकी बहीण योजनेचे अधिकृत पोर्टल ladakibahin.maharashtra.gov.in हे आहे. ई-केवायसी, लॉगिन, अर्जाची स्थिती — सगळे याच एका पत्त्यावर होते. maharashtra.gov.in हा महाराष्ट्र शासनाचा डोमेन आहे आणि .gov.in फक्त भारत सरकारच्या संस्थांनाच मिळते.

बनावट लिंक ओळखण्याच्या ५ खुणा

1. डोमेन .gov.in ने संपत नाही. ladkibahin-kyc.com, ladki-bahin-ekyc.in, mahaladkibahin.online — या सगळ्या खाजगी आहेत. आमची वेबसाइटही खाजगीच आहे; म्हणूनच इथे कुठेही आधार किंवा ओटीपी मागितला जात नाही.
2. खऱ्या नावाची फसवी रचना. maharashtra.gov.in.ekyc-portal.com — इथे शेवटचा भाग ekyc-portal.com आहे; सुरुवातीचे maharashtra.gov.in फक्त शोभेसाठी. डोमेनचा शेवटचा भाग खरा असावा लागतो.
3. APK फाइल. “ई-केवायसीसाठी हे ॲप इन्स्टॉल करा” — शासनाने कोणतेही ॲप दिलेले नाही. APK इन्स्टॉल केल्यास तुमचे ओटीपी SMS फसवणूक करणाऱ्यांकडे जातात.
4. घाई आणि भीती. “आज रात्री १२ पूर्वी ई-केवायसी करा नाहीतर हप्ता कायमचा बंद” — शासन अशी घाई कधीच करत नाही; मुदती आठवडे-महिने आधी जाहीर होतात.
5. पैसे मागणे. ई-केवायसी पूर्ण मोफत आहे. “प्रोसेसिंग फी ₹९९” म्हटले की ती बनावट लिंक.

ही लिंक खरी की बनावट? इथे तपासा

ही लिंक खरी की बनावट?

WhatsApp / SMS वर आलेली कोणतीही लिंक इथे पेस्ट करा. आम्ही फक्त डोमेन तपासतो — लिंक उघडत नाही.

लिंक किंवा वेबसाइटचे नावतपासा

ही माहिती तुमच्या फोन/ब्राउझरमध्येच राहते. आम्ही काहीही साठवत नाही, कुठेही पाठवत नाही.

खरी अधिकृत डोमेन्स:

• ladakibahin.maharashtra.gov.in
• maharashtra.gov.in
• mahaonline.gov.in
• womenchild.maharashtra.gov.in
• grievances.maharashtra.gov.in
• uidai.gov.in
• npci.org.in
• pfms.nic.in
• dbtbharat.gov.in
• india.gov.in

पोर्टलवर लॉगिन कसे करायचे

लॉगिनसाठी अर्ज करताना नोंदवलेला मोबाईल क्रमांक आणि पासवर्ड लागतो. पासवर्ड विसरला असल्यास लॉगिन पानावरील Forgot Password? Click here वापरा — ओटीपी नोंदणीकृत मोबाईलवर येतो. खाते लॉक झाल्यास Account Locked? Click here आहे.

लॉगिननंतर काय करता येते — अर्जाची स्थिती, माहिती दुरुस्ती — हे स्थिती या पानावर टप्प्याटप्प्याने दिले आहे.