लाडकी बहीण योजना — अर्जाची स्थिती आणि पैसे आले का, हे कसे पाहायचे

ई-केवायसी विंडो

सध्या बंद

पुढील फेरीची अधिकृत तारीख जाहीर नाही

ई-केवायसी मार्गदर्शक →

शेवटचा जमा झालेला हप्ता

सप्टेंबर २०२६

२७ वा हप्ता · ३१ ऑक्टोबर २०२६ पासून जमा

सर्व हप्त्यांच्या तारखा →

प्रलंबित हप्ता

ऑक्टोबर २०२६

ऑक्टोबरचा हप्ता अद्याप जमा नाही

स्थिती →

तपासले: १ नोव्हेंबर २०२६

पद्धत १ — पोर्टलवर अर्जाची स्थिती व हप्त्यांचा इतिहास

1. १

   लॉगिन पान उघडा

   ladakibahin.maharashtra.gov.in/sign-in — इथे Mobile No., Password आणि Captcha असे तीन रकाने आहेत. मोबाईल क्रमांक तोच जो अर्ज करताना दिला होता.

   अर्जदार लॉगिन — अधिकृत सरकारी वेबसाइट उघडेलladakibahin.maharashtra.gov.in
2. २

   पासवर्ड नसेल तर

   Forgot Password? Click here वर जा. नोंदणीकृत मोबाईलवर ओटीपी येतो; नवा पासवर्ड ठेवा. सलग चुकीचे प्रयत्न झाल्यास खाते लॉक होते — Account Locked? Click here वापरा.

3. ३

   अर्जाची स्थिती पाहा

   लॉगिननंतर Application Made Earlier (पूर्वी केलेले अर्ज) मध्ये तुमचा अर्ज क्रमांक आणि स्थिती दिसते:

   • Approved / मंजूर — तुम्ही लाभार्थी यादीत आहात.
   • Pending / प्रलंबित — पडताळणी बाकी. (सप्टेंबर २०२६ मध्ये जुने अर्ज प्रलंबित असणे दुर्मीळ; असेल तर १८१.)
   • Rejected / नामंजूर — कारण दिसते. निकषात बसत असूनही नामंजूर असेल तर तक्रार पान.
4. ४

   पैसे आले का — Transaction History

   त्याच अर्जाच्या ओळीत शेवटी तीन बटणे असतात: पाहा, दुरुस्ती आणि व्यवहार. शेवटचे बटण दाबले की Application Transaction History हे पान उघडते:

   • प्रत्येक हप्त्याची Transaction Date, Beneficiary Bank Name, खाते क्रमांक, Amount आणि Remark.
   • Transaction Status — Paid असेल तर हिरवे; पैसे गेले नसतील तर लाल, आणि Remark मध्ये कारण.
   • वर Total Amount Transfered — आतापर्यंत तुमच्या खात्यात गेलेली एकूण रक्कम.

   स्थिती लाल असेल किंवा बँकेचे नाव तुमचे सध्याचे खाते नसेल, तर पैसे आधारशी जोडलेल्या (NPCI) दुसऱ्या खात्यात गेले किंवा परत आले आहेत — DBT / बँक पानावरील उपाय करा. नवीन हप्त्याची नोंद इथे दिसायला काही दिवस लागू शकतात; तोपर्यंत पद्धत २ वापरा.

पद्धत २ — पैसे आले का: बँक SMS / पासबुक / UPI

पोर्टलवरील नोंद अपडेट व्हायला वेळ लागतो; पैसे खात्यात आले की बँक लगेच दाखवते.

• SMS: बँकेचा “credited” संदेश. रक्कम ₹१,५०० (एकत्र हप्ते असल्यास ₹३,०००/₹४,५००). नोंदीत MMLBY, DBT, WCD, NACH, ACH CR असे शब्द दिसतात.
• पासबुक: शाखेत पासबुक प्रिंट करा — जुन्या नोंदीही दिसतात.
• UPI ॲप (PhonePe / Google Pay / Paytm): “Check balance” → खाते निवडा → “Transaction history” / “Passbook”. बहुतेक बँकांचे मिनी स्टेटमेंट इथे दिसते.
• मिस्ड कॉल बॅलन्स: प्रत्येक बँकेचा टोल-फ्री बॅलन्स नंबर असतो (उदा. SBI ९२२३७६६६६६, बँक ऑफ महाराष्ट्र ९२२३१८१८१८). नोंदणीकृत मोबाईलवरून मिस्ड कॉल द्या.

पद्धत ३ — पैसे कुठे गेले: आधार-बँक मॅपिंग

DBT चे पैसे “बँक खात्यावर” जात नाहीत, ते आधारशी NPCI मॅपिंग असलेल्या बँकेत जातात. तुम्ही अर्जात एक बँक दिली आणि आधार दुसऱ्या बँकेशी मॅप असेल तर पैसे दुसऱ्या बँकेत जातात.

इथे आधार ओटीपी लागतो. निकालात Bank Seeding Status: Active आणि बँकेचे नाव दिसते. Inactive किंवा वेगळी बँक दिसली तर DBT / बँक पानावरील प्रक्रिया करा.

पद्धत ४ — PFMS (पर्यायी)

केंद्र सरकारच्या PFMS पोर्टलवर “Know your payments” मध्ये बँक व खाते क्रमांक टाकून DBT व्यवहार दिसतात; पण राज्याच्या सर्व योजनांचे व्यवहार तिथे दिसतीलच असे नाही. बँकेची नोंद हाच खात्रीचा मार्ग.

स्थिती ठीक, तरी पैसे नाहीत — कारणे