Ladki Bahin Installment — लाडकी बहीण योजना हप्ता: आतापर्यंतचे सर्व हप्ते, तारखा आणि पुढील हप्ता

ई-केवायसी विंडो

सध्या बंद

पुढील फेरीची अधिकृत तारीख जाहीर नाही

ई-केवायसी मार्गदर्शक →

शेवटचा जमा झालेला हप्ता

सप्टेंबर २०२६

२७ वा हप्ता · ३१ ऑक्टोबर २०२६ पासून जमा

सर्व हप्त्यांच्या तारखा →

प्रलंबित हप्ता

ऑक्टोबर २०२६

ऑक्टोबरचा हप्ता अद्याप जमा नाही

स्थिती →

तपासले: १ नोव्हेंबर २०२६

हप्त्यांची संपूर्ण यादी

तारीख = बँक खात्यात रक्कम जमा होण्यास सुरुवात झाल्याची तारीख; सर्व खात्यांत पोहोचायला २–५ दिवस लागतात. शासन महिनानिहाय अधिकृत यादी प्रसिद्ध करत नाही, म्हणून तारखा वृत्तांवर आधारित आहेत.

हप्ता कसा येतो — प्रक्रिया समजून घ्या

1. निधी मंजुरी. वित्त विभाग त्या महिन्याच्या हप्त्यासाठी निधी मंजूर करतो (सुमारे ₹२,४००–३,७०० कोटी, लाभार्थी संख्येनुसार).
2. लाभार्थी यादी अंतिम. महिला व बाल विकास विभाग त्या महिन्यासाठी पात्र (ई-केवायसी झालेल्या, पडताळणी उत्तीर्ण) महिलांची यादी तयार करतो.
3. DBT फाइल. यादी NPCI कडे जाते; पैसे प्रत्येक महिलेच्या आधारशी मॅप असलेल्या बँकेत जातात — अर्जात दिलेल्या बँकेत नाही.
4. टप्प्याटप्प्याने जमा. एका दिवसात सर्वांना नाही; २–५ दिवस लागतात. जिल्ह्यानुसार क्रम नसतो.

म्हणून “माझ्या मैत्रिणीला आला, मला नाही” हे पहिल्या २–३ दिवसांत सामान्य आहे. ५ दिवसांनंतरही नसेल तर कारण वैयक्तिक — स्थिती पान.

२०२६ मध्ये हप्ते का उशिरा आले?

• डिसेंबर २०२५ – एप्रिल २०२६: ई-केवायसी अपूर्ण असलेल्या लाखो महिलांची पडताळणी सुरू असल्याने वितरण मंदावले. जानेवारी-फेब्रुवारी आणि मार्च-एप्रिलचे हप्ते जोडीने आले.
• जून–जुलै २०२६: वार्षिक पुनर्पडताळणी; २४ जुलैला अंतिम यादी. त्यानंतर जूनचा हप्ता १५ जुलैपासून, जुलैचा २६ ऑगस्टपासून आणि ऑगस्टचा २८ सप्टेंबरपासून.
• लाभार्थी संख्या: २.४३ कोटींवरून १.६६ कोटींवर आल्याने प्रति हप्ता निधी कमी झाला; तरी वितरणाचे वेळापत्रक अद्याप स्थिर झालेले नाही.

₹२,१०० बाबत स्पष्ट स्थिती

निवडणुकीच्या काळात हप्ता ₹२,१०० करण्याचे आश्वासन दिले गेले. २४ ऑक्टोबर २०२६ पर्यंत:

• अधिकृत शासन निर्णय नाही.
• २०२६-२७ च्या अर्थसंकल्पात ₹१,५०० याच रकमेसाठी ₹२६,५०० कोटींची तरतूद (२०२५-२६ मध्ये ₹३६,००० कोटी).
• मंत्र्यांची विधाने “राज्याची आर्थिक स्थिती पाहून” अशीच आहेत.

शासन निर्णय आल्यास आम्ही facts मध्ये रक्कम बदलू आणि बातम्या मध्ये कळवू. तोपर्यंत “पुढच्या महिन्यापासून ₹२,१००” असे संदेश खोटे समजा. ऑक्टोबर २०२६ चा व्हायरल “GR” आणि आश्वासनाचा पूर्ण इतिहास: ₹२,१०० कधी मिळणार — सत्य.

हप्ता न आल्यास — क्रमाने तपासा

1. या महिन्याचा हप्ता सर्वांनाच आला आहे का? वरील तक्त्यात “प्रलंबित” असेल तर वाट पाहा.
2. आला असेल तर: पोर्टलवर स्थिती Approved आहे का?
3. ई-केवायसी झालेली आहे का? नसेल तर जुलै २०२६ यादीतून वगळले असण्याची शक्यता — यादी.
4. बँक सीडिंग स्थिती Active आहे का आणि योग्य बँकेशी आहे का?
5. वरील सर्व ठीक असूनही २ महिने पैसे नसतील तर तक्रार.